Embolizimi i Arterieve
të Prostatës (PAE)
Një procedurë minimale invazive, me kateter, që redukton fluksin e gjakut në prostatë, duke lehtësuar simptomat e hiperplazisë beninje të prostatës (BPH).
Minimalisht Invazive
Pa kirurgji, pa anestezi gjenerale, punksion
i vogël në kyçin e dorës ose në rrëzë të kofshës.
Lehtësim Efektiv i Simptomave
Përmirëson fluksin e urinës, redukton
shpeshtësinë dhe urgjencën urinare.
Ruan Cilësinë e Jetës
Rrezik minimal për disfunksion seksual dhe
komplikime të tjera.
Rikuperim i Shpejtë
Shumica e pacientëve kthehen në shtëpi të
njëjtën ditë dhe i rikthehen aktiviteve normale
brenda pak ditësh.
SI FUNKSIONON PROCEDURA
SI FUNKSIONON PROCEDURA
INFORMACION MBI PROCEDURËN
Aksesi
Një kateter i vogël futet përmes arteries radiale (kyçi i dorës) ose femorale (rrëza e kofshës).
Navigimi
Kateteri drejtohet përmes arterieve drejt arterieve të prostatës.
Pozicionimi
Kateteri pozicionohet saktësisht në arterien e prostatës.
Embolizimi
Injektohen grimca mikroskopike për të bllokuar fluksin e gjakut drejt prostatës.
Reduktimi i Fluksit të Gjakut
Fluksi i gjakut në prostatë reduktohet, duke bërë që ajo të tkurret me kalimin e kohës.
Lehtësimi i Simptomave
Simptomat urinare përmirësohen gradualisht gjatë javëve ose muajve në vijim.
Radiologjia intervenuese nuk është vetëm trajtim i tumorit.
Është trajtim i synuar direkt në lezion.
Embolizimi i arterieve të prostatës (PAE – Prostatic Artery Embolization) është një procedurë minimalisht invazive që përdoret për trajtimin e simptomave urinare të shkaktuara nga hiperplazia beninje e prostatës (BPH).
Përmes një aksesi të vogël arterial, një mikrokateter avancohet nën kontroll angiografik deri në arteriet që furnizojnë prostatën. Më pas administrohen mikrosfera embolizuese që reduktojnë në mënyrë selektive furnizimin arterial të indit prostatik.
Qëllimi është reduktimi gradual i volumit të prostatës dhe përmirësimi i simptomave urinare, pa ndërhyrje kirurgjikale transuretrale në pacientë të përzgjedhur.
Në Dr. Skana Clinic, çdo rast vlerësohet individualisht nga Dr. Almir Skana, mjek radiolog, duke integruar simptomat, volumin e prostatës, PSA-në, ekzaminimet urologjike dhe imazherinë për të përcaktuar nëse PAE është alternativa e përshtatshme.
Vlerësim individual i
simptomave dhe anatomisë
prostatike
Planifikim, embolizim dhe ndjekje
pas procedurës
Trajtim endovaskular minimalisht
invaziv nën kontroll angiografik
SI REALIZOHET EMBOLIZIMI I ARTERIEVE TË PROSTATËS?
1. Vlerësimi
Vlerësohen simptomat urinare, PSA, volumi i prostatës, ekzaminimi urologjik dhe trajtimet e mëparshme.
2. Planifikimi Vaskular
CT angiografia ose imazheria tjetër e përshtatshme mund të përdoret për të vlerësuar anatominë komplekse të arterieve prostatike dhe për të planifikuar procedurën.
3. Aksesi Arterial
Përmes arteries radiale ose femorale vendoset një kateter, i cili avancohet drejt arterieve pelvike nën kontroll angiografik.
4. Embolizimi Selektiv
Arteriet prostatike kateterizohen me mikrokateter dhe administrohen mikrosfera embolizuese, duke synuar të reduktohet furnizimi arterial i prostatës duke ruajtur strukturat përreth.
5. Kontrolli & Ndjekja
Pas procedurës kontrollohet rezultati angiografik. Përmirësimi i simptomave dhe reduktimi i volumit prostatik vlerësohen gradualisht gjatë ndjekjes.
Indikacionet
- Hiperplazia beninje e prostatës (BPH)
- Simptomat e traktit të poshtëm urinar (LUTS)
- Prostatë e zmadhuar
- Pacientë jo të përshtatshëm për kirurgji
- Dëshira për të shmangur medikamentet ose kirurgjinë
Përfitimet
- Minimalisht invazive
- Pa anestezi gjenerale
- Procedurë spitalore ditore
- Shkallë e ulët komplikimesh
- Përmirëson cilësinë e jetës
- Ruan funksionin seksual
Rreziqet e Mundshme
- Diskomfort ose dhimbje e lehtë pelvike
- Shpeshtësi ose urgjencë urinare (përkohësisht)
- Gjak në urinë (përkohësisht)
- Dhimbje ose djegie gjatë urinimit (përkohësisht)
- Të rralla: infeksion, embolizim jashtë objektivit
Koha e Procedurës
60 – 90 minuta
Qëndrimi në Spital
Zakonisht dalje në të njëjtën ditë
Rikuperimi
Kthim në aktivitetet normale brenda 2 – 5 ditëve
Efektet
Simptomat përmirësohen gjatë javëve deri në muaj
Pse të Zgjidhni Dr. Skana Clinic?
- Radiolog intervenues ekspert
- Imazheri & teknologji e avancuar
- Kujdes i fokusuar te pacienti dhe siguria
- Diagnozë e plotë & planifikim trajtimi