Aspirimi me Gjilpërë
të Hollë i Tiroides
(FNA)
FNA e tiroides është procedurë minimalisht invazive që përdor një gjilpërë të hollë për të marrë qeliza nga një nodus tiroidal nën guidë ekografike. Materiali celular analizohet nga citologu për të vlerësuar nëse noduli është beninj apo malinj.
Çfarë është FNA e tiroides?
FNA (Fine Needle Aspiration) është një procedurë minimalisht invazive që përdor një gjilpërë shumë të hollë për të marrë qeliza nga një nodul tiroidal nën guidë ekografike për analizë citologjike.
Pse kryhet FNA?
Bëhet për të vlerësuar natyrën e nodulit (beninj ose malinj) dhe për të përcaktuar nevojën e trajtimit të mëtejshëm.
Kur rekomandohet FNA e një nodusi tiroide?
sipas karakteristikave ekografike;
madhësisë së nodusit;
klasifikimit ACR TI-RADS;
historisë klinike dhe faktorëve të riskut;
pranisë së adenopative cervikale të dyshimta.
Si kryhet procedura?
Procedura kryhet nën guidë ekografike.
Pasi lëkura pastrohet, përdoret anestezi lokale nëse nevojitet.
Më pas gjilpëra e hollë futet në nodul dhe merren qeliza për analizë.
A është e dhimbshme?
Jo. Mund të ndjeni vetëm një pickim të lehtë në lëkurë. Shumica e pacientëve e përshkruajnë si të padhembshme ose me shqetësim minimal.
Cilat janë avantazhet e FNA?
Saktësi e lartë diagnostike
Procedurë ambulatore, pa qëndrim në spital
Pa prerje, pa qepje
Rrezik shumë i ulët komplikacionesh
Kosto-efektive
A ka rreziqe ose komplikacione?
Komplikacionet janë shumë të rralla. Mund të shfaqet një mavijosje e vogël ose dhimbje e lehtë lokale që kalon brenda 1–2 ditësh.
Kur merret rezultati?
Rezultati citologjik zakonisht është gati për 3–5 ditë pune, në varësi të laboratorit.
Çfarë ndodh pas FNA?
Në varësi të rezultatit citologjik, mjeku do të vendosë nëse nevojitet ndjekje, mjekim ose trajtim kirurgjikal.
Procedura e saktë siguron mostër të përshtatshme për diagnozë
Aspirimi me gjilpërë të hollë i tiroides (FNA) nën guidë ekografike për vlerësimin citologjik të noduseve tiroide.
FNA e tiroides është një procedurë minimalisht invazive, që përdoret për marrjen e qelizave nga një nodus tiroide me anë të një gjilpëre të hollë. Procedura ndihmon në dallimin e noduseve beninje nga ato që kërkojnë vlerësim ose trajtim të mëtejshëm.
Ekografia përdoret për të lokalizuar saktë nodusin dhe për të drejtuar gjilpërën drejt zonës më të përshtatshme për marrjen e mostrës.
Në Dr. Skana Clinic, çdo rast vlerësohet individualisht nga Dr. Almir Skana, mjek radiolog, duke integruar të dhënat klinike dhe imazherike për të përcaktuar nevojën për FNA dhe mënyrën më të përshtatshme të realizimit të procedurës nën guidë ekografike.
Vlerësim individual i
nodusit tiroide
Procedurë nën guidë
ekografike
Mostër për analizë citologjike
SI KRYHET ASPIRIMI ME GJILPËRË TË HOLLË I TIROIDES (FNA)?
1. Vlerësimi Para Procedurës
Vlerësohen karakteristikat ekografike të nodusit, përmasat dhe indikacioni për biopsi.
2. Lokalizimi me Ekografi
Me ekografi përcaktohet pozicioni i saktë i nodusit dhe rruga më e sigurt për futjen e gjilpërës.
3. Marrja e Mostrës
Një gjilpërë e hollë futet në nodus nën kontroll ekografik dhe merren mostra qelizore për analizë.
4. Analiza Citologjike
Materiali i marrë dërgohet për ekzaminim citologjik, i cili ndihmon në përcaktimin e natyrës së nodusit.
5. Pas Procedurës
Pacienti monitorohet për një kohë të shkurtër. Mund të shfaqet ndjeshmëri ose mavijosje e lehtë lokale, ndërsa komplikacionet serioze janë të rralla.
Keni një nodus tiroide që kërkon vlerësim citologjik?
FNA nën guidë ekografike mundëson marrjen e një mostre të saktë me një procedurë minimalisht invazive, duke ndihmuar në përcaktimin e hapave të mëtejshëm të trajtimit.