Shunti Portosistemik
Intrahepatik Transjugular
Procedura TIPS është një ndërhyrje minimalisht invazive që krijon një kanal brenda mëlçisë për të ulur hipertensionin portal dhe për të kontrolluar komplikacionet e tij.
Ul presionin portal
Redukton presionin në sistemin venoz portal
dhe lehtëson komplikacionet e hipertensionit
portal.
Minimale Invazive
Kryhet nëpërmjet një shpimi të vogël në venën
jugulare të qafës, pa kirurgji të hapur.
Rezultate më të mira
Ndihmon në kontrollin afatgjatë të komplikacioneve dhe mund të zvogëlojë nevojën për ndërhyrje të përsëritura.
Përmirëson cilësinë e jetës
Redukton rrezikun e gjakderdhjes, ascitin dhe shqetësimet e tjera të hipertensionit portal.
SI FUNKSIONON PROCEDURA
INFORMACION MBI PROCEDURËN
1. Aksesi venoz
Një kateter futet nëpërmjet venës jugulare në qafë.
2. Aksesi në mëlçi
Kateteri drejtohet në venën hepatike dhe më pas në indin e mëlçisë.
3. Krijimi i kanalit
Me anë të një ageje të posaçme krijohet një kanal ndërmjet venës portale dhe venës hepatike.
4. Vendosja e stentit
Brenda kanalit vendoset një stent për ta mbajtur atë të hapur.
5. Rivendosja e qarkullimit
Gjaku kalon nëpërmjet shuntit drejt venës hepatike, duke ulur presionin portal.
6. Kontrolli pas procedurës
Kryhen ekzaminime imazherike për të konfirmuar funksionimin e shuntit dhe për të monitoruar rezultatet.
Radiologjia intervenuese nuk është vetëm trajtim.
Trajtimi endovaskular redukton presionin në sistemin portal
Shunti Portosistemik Intrahepatik Transjugular (TIPS) përdoret në pacientë të përzgjedhur me hipertension portal dhe komplikacionet e tij, veçanërisht hemorragji nga variçet gastroezofageale ose ascit refraktar. Procedura krijon një kanal brenda mëlçisë, ku vendoset një stent për të devijuar një pjesë të gjakut portal drejt qarkullimit venoz sistemik.
Ekografia, CT dhe angiografia ndihmojnë në vlerësimin e anatomisë vaskulare, planifikimin dhe realizimin e sigurt të procedurës.
Në Dr. Skana Clinic, çdo rast vlerësohet individualisht nga Dr. Almir Skana, mjek radiolog, duke integruar të dhënat klinike dhe imazherike për të përcaktuar nëse TIPS është i indikuar dhe teknikisht i realizueshëm.
Trajtim minimalisht invaziv i
hipertensionit portal
Vendosje stenti ndërmjet sistemit portal dhe venoz
Akses transjugular i drejtuar
me imazheri
SI REALIZOHET PROCEDURA TIPS?
1. Vlerësimi
Vlerësohen shkaku dhe rëndësia e hipertensionit portal, funksioni hepatik dhe kardiak, komplikacionet dhe anatomia vaskulare, për të përcaktuar përshtatshmërinë e pacientit për TIPS.
2. Aksesi Transjugular
Nëpërmjet venës jugulare, një kateter drejtohet nën kontroll imazherik drejt venave hepatike, pa nevojën e kirurgjisë së hapur.
3. Krijimi i Kanalit Intrahepatik
Nën drejtim imazherik krijohet një kanal ndërmjet një vene hepatike dhe një dege të venës portale, duke mundësuar devijimin e kontrolluar të gjakut.
4. Vendosja e Stentit
Në kanalin e krijuar vendoset një stent, i cili e mban komunikimin të hapur dhe ndihmon në reduktimin e presionit në sistemin portal.
5. Kontrolli & Ndjekja
Pas procedurës kontrollohet fluksi i gjakut dhe funksioni i shuntit. Ndjekja klinike dhe me Doppler është e rëndësishme për vlerësimin e funksionimit të TIPS dhe identifikimin e komplikacioneve të mundshme.
INDIKACIONET
- Gjakderdhje e përsëritur nga variçet ezofageale ose gastrike
- Ascit refraktar
- Sindroma Budd–Chiari
- Trombozë e venës portale në raste të përzgjedhura
- Gastropati hipertensive portale
- Menaxhim përpara transplantit të mëlçisë
PËRFITIMET
- Redukton në mënyrë efektive presionin në sistemin venoz portal.
- Ul rrezikun e gjakderdhjes variceale dhe përsëritjen e ascitit.
- Shoqërohet me qëndrim më të shkurtër në spital dhe rikuperim më të shpejtë.
- Lehtëson simptomat dhe ndihmon në kontrollin afatgjatë të hipertensionit portal.
Koha e Procedurës
60–120 minuta
Qëndrimi në Spital
1–3 ditë
Rikuperimi
Kthimi në aktivitetet normale për rreth 1–2 javë.
Efektet anësore të mundshme
Encefalopatia hepatike, mosfunksionimi i shuntit, gjakosje (të rralla).
Udhëzimi imazherik
Fluoroskopi & Ultrasond
Vendi i qasjes
Vena jugulare interne
Anestezia
Anestezi lokale me sedacion
Kontrolli
Imazheri në 1, 3 dhe 6 muaj
Pse të Zgjidhni Dr. Skana Clinic?
- Radiolog intervenues ekspert
- Imazheri & teknologji e avancuar
- Kujdes i fokusuar te pacienti dhe siguria
- Diagnozë e plotë & planifikim trajtimi