Dhimbja e
Artikulacioneve
Dhimbja e artikulacioneve është një simptomë e shpeshtë që mund të jetë akute ose kronike dhe mund të prekë një ose më shumë nyje. Shkaqet mund të jenë degjenerative (artrozë), inflamatore (artrit), traumatike, infektive ose metabolike.
Diagnostikimi i saktë ndihmon në përcaktimin e shkakut dhe zgjedhjen e trajtimit më të përshtatshëm.
Çfarë është Dhimbja e Artikulacioneve?
Dhimbja e artikulacioneve është ndjesi dhimbjeje, ndjeshmërie ose ngurtësie në një ose më shumë nyje. Mund të jetë e përkohshme (p.sh. pas trauma ose aktiviteti fizik) ose kronike (p.sh. artrozë, artrit reumatoid). Mund të shoqërohet me ënjtje, skuqje, ngrohje lokale dhe kufizim të lëvizjes.
Shkaqet
Dhimbja e artikulacioneve mund të shkaktohet nga:
Artrozë (degjenerim i kërcit)
Artrit reumatoid dhe sëmundje të tjera inflamatore (p.sh. spondiloartrite)
Dëmtime traumatike (fraktura, dëmtime ligamentare, meniskale)
Tendinopati dhe inflamacion i indeve përreth nyjes
Infeksione të nyjes (artrit septik)
Sëmundje metabolike (p.sh. përdhesa – hiperuricemi)
Sëmundje autoimune ose sistemike
Simptomat
Dhimbja e artikulacioneve mund të shfaqet me:
Dhimbje gjatë lëvizjes ose në pushim
Ngurtësi, sidomos në mëngjes
Ënjtje dhe ndjeshmëri prekëse
Shtypje, skuqje ose rritje e temperaturës lokale
Kufizim i lëvizjes dhe ndjesi bllokimi në nyje
Krepitim (zë kërcitje) gjatë lëvizjes
Deformime të nyjes (në fazat e avancuara)
Diagnostikimi
Ekografi e artikulacioneve – vlerësim i lëngut, sinoviales, tendinave dhe indeve të buta➔
Rëntgen (X-ray) – vlerësim i strukturave kockore dhe shenjave të artrozës➔
MRI – metoda më e saktë për kërcin, meniskët, ligamentet dhe indet e buta➔
CT – në raste të përzgjedhura (fraktura, planifikim kirurgjikal)➔
Analiza laboratorike – markera inflamatorë (CRP, ESR), faktori reumatoid, acidi urik, etj.➔
Trajtimi
Trajtim konservativ: medikamente, fizioterapi, ushtrime specifike
Infiltrime intraartikulare (kortikosteroide, acid hialuronik) nën guidancë imazherike
Trajtim i sëmundjes bazë (p.sh. artrit reumatoid, përdhesa)
Modifikim i aktivitetit dhe program rehabilitimi
Në raste të avancuara: procedura intervenuese ose trajtim kirurgjikal
Prognoza
Shumica e pacientëve përfitojnë nga trajtimi i përshtatshëm, me reduktim të dhimbjes, rikthim të funksionit dhe përmirësim të cilësisë së jetës, sidomos kur diagnostikimi bëhet herët.
Diagnostikimi i saktë ndihmon në identifikimin e shkakut të dhimbjes
Vlerësimi i dhimbjes së artikulacioneve me radiografi, ekografi, MRI, CT dhe procedura të drejtuara me imazheri sipas indikacionit.
Dhimbja e artikulacioneve mund të lidhet me ndryshime degjenerative, inflamacion, trauma, dëmtime të kërcit, tendinave ose strukturave përreth artikulacionit. Ajo mund të shoqërohet me ënjtje, ngurtësi, kufizim të lëvizjes ose dhimbje gjatë aktivitetit.
Radiografia, ekografia dhe MRI ndihmojnë në identifikimin e shkakut dhe në vlerësimin e kockave, kërcit, tendinave dhe indeve të buta përreth artikulacionit.
Në Dr. Skana Clinic, çdo rast vlerësohet individualisht nga Dr. Almir Skana, mjek radiolog, duke integruar të dhënat klinike dhe imazherike për të përcaktuar nevojën për monitorim, vlerësim të mëtejshëm ose trajtim minimalisht invaziv të drejtuar me imazheri.
Vlerësim individual i
dhimbjes artikulare
Radiografi, ekografi ose
MRI sipas indikacionit
Vlerësim për infiltrime të drejtuara me imazheri
SI VLERËSOHET DHIMBJA E ARTIKULACIONEVE?
1. Vlerësimi Klinik
Vlerësohen lokalizimi, intensiteti, kohëzgjatja e dhimbjes, ënjtja dhe kufizimi i lëvizjes, si dhe historia e traumave ose sëmundjeve inflamatore.
2. Radiografia
Radiografia ndihmon në identifikimin e ndryshimeve degjenerative, ngushtimit të hapësirës artikulare, deformimeve dhe dëmtimeve kockore.
3. Ekografia dhe MRI
Ekografia vlerëson tendinat, ligamentet, bursat dhe lëngun artikular, ndërsa MRI ofron vlerësim më të detajuar të kërcit, kockës dhe indeve të buta.
4. Vlerësimi për Trajtim
Gjetjet klinike dhe imazherike ndihmojnë në përcaktimin e nevojës për trajtim konservativ, fizioterapi, infiltrime ose vlerësim ortopedik/reumatologjik.
5. Infiltrimi dhe Monitorimi
Në pacientë të përzgjedhur mund të kryhen infiltrime intra-artikulare ose periartikulare të drejtuara me ekografi ose fluoroskopi, të shoqëruara me monitorim të përgjigjes klinike.
Keni dhimbje, ënjtje ose kufizim të lëvizjes së një artikulacioni?
Merrni një vlerësim të specializuar për të identifikuar shkakun e dhimbjes dhe për të përcaktuar nëse mund të përfitoni nga trajtime minimalisht invazive të drejtuara me imazheri.