Kanceri i Mushkërive
Kanceri i mushkërive është një rritje jonormale dhe e pakontrolluar e qelizave në indet e mushkërive, e cila mund të formojë një masë tumorale. Zbulimi i hershëm rrit ndjeshëm mundësinë e trajtimit të suksesshëm. Imazheria luan rol kyç në diagnostikimin, stadifikimin dhe monitorimin e sëmundjes.
Çfarë është kanceri i mushkërive?
Kanceri i mushkërive zhvillohet kur qelizat e mushkërive shumohen në mënyrë të pakontrolluar, duke formuar tumore që mund të përhapen në nyjet limfatike dhe në organe të tjera.
Simptomat
Kollë e vazhdueshme ose ndryshim i karakterit të kollës
Hemoptizi (gjak në sputum)
Dhimbje në kraharor
Dispne (vështirësi në frymëmarrje)
Lodhje dhe dobësi
Humbje peshe e pashpjegueshme
Zë i ngjirur
Infeksione respiratore të përsëritura
Diagnostikimi
Radiografi e toraksit
Bronkoskopi me biopsi
Citologji e sputumit
Ekzaminim histopatologjik dhe testime molekulare
Trajtimi
Kirurgji
Radioterapi
Kimioterapi
Imunoterapi
Terapi të targetuara
Kombinim të metodave të mësipërme
Parandalimi dhe prognoza
Ndalimi i duhanit është masa më e rëndësishme parandaluese
Shmangia e ekspozimit ndaj tymit pasiv dhe substancave kancerogjene
Depistimi me CT me dozë të ulët mund të rekomandohet për individë me rrezik të lartë
Zbulimi i hershëm përmirëson ndjeshëm mundësitë e trajtimit dhe prognozën
Diagnostikimi i saktë përcakton stadin dhe trajtimin
Vlerësimi i kancerit të mushkërisë me CT, PET/CT, MRI dhe procedura të drejtuara me imazheri.
Kanceri i mushkërisë zhvillohet nga rritja e pakontrolluar e qelizave në indin pulmonar dhe mund të përhapet në nyjet limfatike ose organe të tjera. Mund të shfaqet me kollë të vazhdueshme, gulçim, dhimbje gjoksi, hemoptizi ose humbje peshe.
CT dhe PET/CT ndihmojnë në identifikimin e lezionit, vlerësimin e përhapjes dhe stadifikimin e sëmundjes, ndërsa biopsia mundëson konfirmimin histopatologjik.
Në Dr. Skana Clinic, çdo rast vlerësohet individualisht nga Dr. Almir Skana, mjek radiolog, duke integruar të dhënat klinike dhe imazherike për të përcaktuar nevojën për monitorim, vlerësim të mëtejshëm ose procedura diagnostike dhe terapeutike të drejtuara me imazheri.
Vlerësim individual klinik
dhe imazherik
CT, PET/CT dhe MRI
sipas indikacionit
Biopsi e drejtuar me imazheri kur nevojitet
SI VLERËSOHET KANCERI I MUSHKËRISË?
1. Vlerësimi Klinik
Vlerësohen simptomat, historia e duhanpirjes dhe faktorët e rrezikut, së bashku me ekzaminimet dhe analizat përkatëse.
2. CT e Toraksit
CT përcakton lokalizimin, përmasat dhe karakteristikat e lezionit, si dhe përfshirjen e strukturave përreth dhe nyjeve limfatike.
3. PET/CT dhe MRI
Kur indikohen, ndihmojnë në stadifikimin e sëmundjes dhe vlerësimin e përhapjes në nyjet limfatike ose organe të tjera.
4. Biopsia
Në raste të përzgjedhura kryhet biopsi perkutane e drejtuar me CT ose ekografi, për marrjen e materialit dhe përcaktimin e diagnozës histopatologjike.
5. Planifikimi dhe Monitorimi
Rezultatet e imazherisë dhe biopsisë ndihmojnë në përcaktimin e stadit dhe planifikimin multidisiplinar të trajtimit, ndërsa imazheria përdoret për monitorimin e përgjigjes ndaj tij.
Keni diagnozë ose dyshim për kancer të mushkërisë?
Merrni një vlerësim të specializuar për të
përcaktuar karakteristikat dhe shtrirjen e
lezionit, si dhe nevojën për biopsi ose
procedura të tjera të drejtuara me imazheri.