Hiperplazia Beninje
e Prostatës
Hiperplazia beninje e prostatës është zmadhimi jo kanceroz i gjëndrës së prostatës, i cili shfaqet zakonisht me kalimin e moshës. Prostata e zmadhuar mund të ushtrojë presion mbi uretrën dhe të pengojë rrjedhjen normale të urinës.
Çfarë është BPH?
BPH është një rritje beninje e indit të prostatës. Ajo nuk është kancer dhe nuk e rrit drejtpërdrejt rrezikun për kancer të prostatës, megjithëse të dyja gjendjet mund të bashkëekzistojnë dhe të shkaktojnë simptoma të ngjashme.
Shkaqet dhe faktorët e rrezikut
Shkaku i saktë nuk është plotësisht i qartë, por zhvillimi i BPH-së lidhet me:
Ndryshimet hormonale që ndodhin me kalimin e moshës
Veprimin e dihidrotestosteronit (DHT)
Faktorët gjenetikë dhe historinë familjare
Obezitetin dhe sindromën metabolike
Diabetin
Mungesën e aktivitetit fizik
Inflamacionin kronik
Simptomat
Simptomat urinare obstruktive
Rrjedhje e dobët ose e ndërprerë e urinës
Vështirësi në fillimin e urinimit
Nevojë për sforcim gjatë urinimit
Ndjesi se fshikëza nuk është zbrazur plotësisht
Pikim i urinës pas përfundimit të urinimit
Simptomat urinare irrituese
Urinim i shpeshtë
Urgjencë urinare
Zgjim gjatë natës për të urinuar
Djegie ose shqetësim gjatë urinimit
Në raste më të avancuara mund të shfaqen retension urinar, infeksione urinare të përsëritura, gurë në fshikëz ose dëmtim i funksionit renal.
Diagnostikimi
Anamnezë dhe ekzaminim klinik
Ekzaminim rektal digjital i prostatës
Vlerësim i simptomave me pyetësorin IPSS
Urofloumetri për vlerësimin e rrjedhjes urinare
Trajtimi
Monitorimi dhe ndryshimet në stilin e jetesës
Trajtimi medikamentoz
Trajtimi minimalisht invaziv ose kirurgjikal
Kufizimi i lëngjeve para gjumit
Reduktimi i alkoolit dhe kafeinës
Urinimi i planifikuart
Aktiviteti fizik dhe kontrolli i peshës
Rishikimi i barnave që mund t’i përkeqësojnë simptomat
Alfa-bllokues, si tamsulosina
Frenues të 5-alfa-reduktazës, si finasteridi ose dutasteridi
Kombinim i terapive, sipas rastit
Medikamente të tjera për simptomat e fshikëzës, kur indikohen
Rezeksion transuretral i prostatës (TURP)
Enukleacion me lazer holmium (HoLEP)i
Rezūm
UroLift
Prognoza
BPH është një gjendje kronike, por jo malinje. Me monitorim dhe trajtim të përshtatshëm, shumica e pacientëve arrijnë kontroll të mirë të simptomave dhe ruajnë një cilësi të mirë jetese.
Diagnostikimi i saktë përcakton shkallën dhe trajtimin
Vlerësimi i hiperplazisë beninje të prostatës me ekografi, MRI dhe procedura minimalisht invazive.
Hiperplazia beninje e prostatës (HBP) është zmadhimi jo kanceroz i gjëndrës së prostatës, i zakonshëm me rritjen e moshës. Zmadhimi mund të ushtrojë presion mbi uretrën dhe të shkaktojë vështirësi në urinim, rrjedhë të dobët të urinës, urinim të shpeshtë ose ndjesinë e zbrazjes jo të plotë të fshikëzës.
Ekografia dhe, kur indikohet, MRI ndihmojnë në vlerësimin e prostatës dhe sistemit urinar, ndërsa në pacientë të përzgjedhur mund të konsiderohet embolizimi i arterieve prostatike (PAE).
Në Dr. Skana Clinic, çdo rast vlerësohet individualisht nga Dr. Almir Skana, mjek radiolog, duke integruar të dhënat klinike dhe imazherike për të përcaktuar nevojën për monitorim, vlerësim të mëtejshëm ose trajtim minimalisht invaziv të drejtuar me imazheri.
Vlerësim individual klinik
dhe imazherik
Ekografi dhe MRI sipas
indikacionit
Vlerësim për embolizim
të arterieve prostatike
SI VLERËSOHET HIPERPLAZIA BENINJE E PROSTATËS?
1. Vlerësimi Klinik
Vlerësohen simptomat urinare, intensiteti dhe ndikimi i tyre në cilësinë e jetës, së bashku me historinë mjekësore dhe ekzaminimet laboratorike sipas indikacionit.
2. Ekografia
Ekografia ndihmon në vlerësimin e madhësisë dhe volumit të prostatës, fshikëzës urinare dhe urinës së mbetur pas urinimit.
3. MRI e Prostatës
Kur indikohet, MRI siguron vlerësim të detajuar anatomik të prostatës dhe mund të ndihmojë në karakterizimin e ndryshimeve që kërkojnë hetim të mëtejshëm.
4. Vlerësimi për Embolizim
Në pacientë të përzgjedhur vlerësohen anatomia dhe vaskularizimi i prostatës për të përcaktuar nëse embolizimi i arterieve prostatike është një alternativë e përshtatshme trajtimi.
5. Trajtimi dhe Monitorimi
Trajtimi mund të përfshijë monitorim, terapi medikamentoze, procedura urologjike ose embolizim të arterieve prostatike, në varësi të simptomave, madhësisë së prostatës dhe karakteristikave individuale.
Keni simptoma urinare nga zmadhimi i prostatës?
Merrni një vlerësim të specializuar për të
përcaktuar shkallën e hiperplazisë dhe,
kur indikohet, mundësinë e embolizimit
të arterieve prostatike si trajtim
minimalisht invaziv.